عندي حكاية يابحر كاميها

من طرف إحميدة الجمعة أكتوبر 14, 2011 2:30 pm

عندي حكاية يابحر كاميها ......ولغيرك مانقدر لحد نحكيها
حكايتي مااطولها ...حكاية صعيبة شايكة من اولها
كان عندك حل يابحر ديرلها ....والا اسمعها وعندك يابحر خليها

برادتي نحكيلك يابحر ونبوح ......بحكاية خلفتلي في القلب عديد جروح
تميت منها ضايع امغير انوح .....وفي وسط الصدر كاميها

حكاية غرام جرتني......في حب نبيه متذيبل بكَل خلتني
سنين وراها تاعب واجد شقتني.....سمرت عيني ..وما با النوم يجيها

بعد ماوصلت لاخر المشوار.....وبعد ماكميت في قلبي عديد اسرار
مشيت وحكيتلها بالَلي معايا صار......عرفت انها مش حاسة بيا وحكايتي ماتعرف ولا شئ عليها

كلام لي قالاته....كلام جرحني وهي ماقصداته.....كلام كما سكين في قلبي غرساته....هدم جميع امالي واحلامي اللي قبل انا بانيها

لكن !! شعفة توبة .....ماعاد نمشي مع الغرام وادروبة .....ولا اندير فيك يادنيتي محبوبة..... ونعيشها حياتي كيف مانبيهابعد ماكملت الحكاية اللي واجعتني.....صبت موجة تبكي......علي شط البحر ظمتني

وقالت حكايتك ماشاف البحر طاريها

حكاية غالي .. عدّا وخلالي سمور لياليهو غاب وانا زاد غاب دلالي .. وخلا العين ديما منفلت ماقيهايمين حالفه ما عاد تالف والي .. رضيت الياس وياسها راضيهالا لها عدو ولا عاد تريد غوالي .. رصيد م الكواين عزها يكفيهاولا تريد ضحك ولا تريد تسالي .. تعشق الحان الياس وتسليهايجتمعو مع نسمة الليل التالي .. عطاشنه اتجيه وكاسها يسقيهاولمباكر تنوض مهوطه وتخالي .. مفعوله قوي بالحيل ومقسيهاونا يا بحر تميت كاره حالي .. لا عرفت ننهاها ولا نرخيهاحكاية ياسي .. الطايل اللي منه اكبر وسواسيعلى اثر موح مستاصل ابقي مجلاسي .. صعب مع اللي قعدته شاهيهاوالوق ت جرني جرة زعيم سياسي .. دخلني دروب ضلال ما نبيهاواعدمني الثقة في قرايب ناسي .. كامي عليها ما لحد نشكيهاعلي صغر سني ذقت مرّة كاسي .. مفطوم ع الكواين فرحتي ناسيهاو لا ارضيت لا نرضى نواطي راسي.. الدنيا سواء عندي الله ناشيهاولا نقترب م اللي كبار كراسي .. عصران نفس خالقها الله يغنيهاوحتى ان كان هو بيد حديده فاسي .. جبال دنيتي لازم انخش عليهايا نموت فيها يا يصير خلاصي .. ونلقى اصحاب عقول ونغاليهاوما خانّي صادق معاي احساسي .. متوقع بشاير خير مستوحيهاايجي يوم ونثور ضد افلاسي .. ونركن قوانينه ونستثنيهاوتسمع بعد سكتة اصوات اجراسي .. تعلن لحظة فرح متمنيهاوانت يا بحر للصوب فيك مراسي .. لازم ابواخر العاشقين اتجيهاوانت سبب عله وفيك مآسي .. يصيرن امغير الموج يمحا فيهاونا علي شطك نفضت اكياسي .. حكيت لك بقصة للنجوم ارويها

انزاحت داره .. اليوم يا بحر عني عزيز تواراعدّا وخلا ف الكنين اشاره .. مرسومة وما اساع صار ما يمحيهاولنظار تمن حايسات سماره والنفس شارها قعده مع غاليهاتناوض علىغفلات لوعة ناره .. ونصبي بحيل جهدي ونوا طيهااووين ما درست القيتا منهاره .. افكاري قديمة بذكره ارابيهاوقعة خواجه في عرب قمّاره .. علايل وهم وياس متكفيهاوقعت بينهم وانست كل اخباره .. الغالي وتمن هن اسباب التيهاوانت علي شطك هناك مناره .. ترشد التايه من بعيد ايجيهاقصيده تعب يا هوه بلاهى شنو رايكم فيها

من طرف إحميدة الجمعة أكتوبر 14, 2011 3:12 pm

مازال ياموج البحرمازالمازال نحكيلك بما ف البال

ومازلت في عيني اشواط دلال

********
مازلت هايم بيكوعاشق علي ضي القمر شاطيكانضوي بشمعاتي صفا لياليكوعاشق عيون الشوق والترحال

********

مازلت في عز الصراعومازلت مفرود الشراعومازلت حاملهن اوجاعومازلت صابر والسنين طوالومازال صبري تدرسه الاجيال
مازال رغم الياس والمحال

مازال ياموج البحر مازال

********

مازلت نذّكّرهاومازال في عقلي ايهوج بحرهاومازلت ياموج البحر شاعرهاومازال هيْ روعة رواق البال

********

مازال هي سلوانيعقلي وفكري وريشتي والوانيشعري ونثري ودمعتي واحزانيومازال خاطري في عشقها رحالمازال ياموج البحر مازال

من طرف إحميدة الجمعة أكتوبر 14, 2011 3:17 pm

مازال نبوهم ونشقوا بيهم** ومازال في الخاطر رياف عليهم** حتى ان باعدوا مازال شوقي فيهم ** ومازال ما نصبر بلا طاريهم** وان قلت نا صابر.. كلام عيال** مازال يا موج البحر مازال

عندي حكاية يابحر كاميها

عندي حكاية يابحر كاميها

رد: عندي حكاية يابحر كاميها

رد: عندي حكاية يابحر كاميها