شعر من انتم

ما تعرف نحن مَنَ نحن ؟!!

أسباب شقاق .. أنت و عيالك يا هرواك

هضول ضنا عيسى الوكواك .. تريس يظهر في وقت المحنة

نحن هم هَمك .. نحن اللي نشفنا دمك

نحن أسباب كداك و همك

ما تعرف نحن مَنَ نحن !!

أسباب همومك .. نحن اللي طيرنا نومك

نحن كسارين خشومك ..

ما تعرف نحن مَنَ نحن !!

نحن فرسان .. أسباب هلاكك يا جبان

تريس عتل مانا جرذان

و يا ويلك كان تواجهنا

نحن أهل برقة .. نحن اللي درنالك حرقة



في جوفك تهدر ما ترقى .. نين تعدي و تريحنا

نحن مصراتة .. خشمك يا تافه واطاته



أحنا ككلة و أنا الزناتة ..





ما تعرف نحن مَنَ نحن !!

نحن نالوت .. مع الزاوية نسقيق الموت




هضول أسيادك يا سلفوت .. و ما تعرف نحن مَنَ نحن !!

نحن الرجبان .. ارجال فراسين و شجعان

أنموتوا في وسط الميدان .. ولا شكلك يرجع يحكمنا

نحن فزان .. اللي محاصرها يا جبان

اللي فيها زارع خيان .. و بالفتنة تبي تفرقنا ..

الليبيين .. اللي في طرابلس منحازين



اللي محاصرها يا لعين و بالقوة تبي تحكمنا

نحن ثرنا

من البيضاء و المرج درنة و بنغازي نين تحررنا

[ندعوك للتسجيل في المنتدى أو التعريف بنفسك لمعاينة هذه الصورة]







و ما تعرف نحن مَنَ نحن !!!!!

نحن من طبرق من القبة و شحات و لابرق





و جيشك من شيح و شبرق

يا اللي في العالم فاضحنا

سبايب عارك .. نقصف نين اندمر دارك

نين تهرب و معاك صغارك