كيف بعتني و انا اللي شاريك

استعرض الموضوع السابق استعرض الموضوع التالي اذهب الى الأسفل

كيف بعتني و انا اللي شاريك

مُساهمة من طرف حنان في الأربعاء يناير 12, 2011 10:12 am



كيف بعتني وانا اللي شاريك *** وكلت امري للكريم عليك


كيف بعت ياغالينا *** بعد كنت موجه دايمة ف شاطينا

عيبك كثر والجرح ماكن فينا ***حبل الغلاء ترخيه بين ايديك

كيف بعتني بالرخص بعد شرينا *** ياخسارتك خيبت ظني فيك


كيف بعت بعد شريتك *** بالرخص يالطيف مسود نيتك

ياريت مالاقيتني ولا القيتك *** علي قيس نيتك ربنا يجازيك

عطشان من نبع الحنان سقيتك *** كيف درتها وقلبك يطاوع فيك


كيف بعتني ياقاسي *** اعدارك ضعيفه ماتخشش راسي

سهرنا معاك الليل تصبح ناسي *** علي خاطرك درنا اللي يرضيك

تبيع الغلاء وتبدله باخلاصي *** نفسك ضعيفه وخاينه عينيك


ماعاد ليك امان *** ياقلب اقسى من حجر صوان


ع العين ابعد مانبيك اتبان ***اللي قبل كانت رمشها امغطيك

واسف حبيبي ان قلتلك حيوان *** كلمه قويه اوقات تنفع بيك



ارجوا ان يعجبكم

______________________توقيعي ___________________
حنووووون

حنان
مشرف منتدى
مشرف منتدى

انثى
تاريخ التسجيل : 05/01/2011
تاريخ الميلاد : 25/06/1980
السرطان
عدد المساهمات : 24
النقاط : 156
مزاجي : جميل جدا
سمعتي : 28

الرجوع الى أعلى الصفحة اذهب الى الأسفل

رد: كيف بعتني و انا اللي شاريك

مُساهمة من طرف إحميدة في الجمعة أكتوبر 14, 2011 2:20 pm

وفـّــر ملامــــك و النــــدم و بكــــــاك ..... فـي اللي مضى يحسـن الله عزاك

لا تجـــــــــي لا نجيــــــــــــــــــــك ..... و لا نريـد حتـى نسمعــــه طاريــــك

وفّـر دمـوع الكـذب فـي مـاقيـــــك ..... تلقاهــن انكـان ابعـدي غافـل جــاك

الا العيـب ما هـو فـي الغـلا لا فيـك ..... العيـب في عيـون تشوف فيك مـلاك

أيـام كنـت وردي كنـت عانـي بيـك ..... مـا حسبت يـوم تسـم لي لشـواك !!

بدّلتنـــي باللـي سعــــى يغريـــــــك ..... و وين مـا شرب عطـرك بعيـد رماك

شريـت بايعينـك بعـت مـن شاريـك ..... و اليوم جـاي بتصلّــح قزاز خطـاك

تحسابنـي مازلـت طـوع يديـــــــك ..... لعمـى الســـاذج لولـــــي هــــــذاك

لا و حق مـن كيـف القمـر ناشيــك ..... و دارك سبــب ضلـة عــرب نسّـاك

و جابك اصدافي ذبت فـي مياميـك ..... و دورك اللـي كيــف الحريـر كسـاك

و نظافــة جبين و خـد و تسهريــك ..... و لطفــك و تبسيمـة ورود شفـــاك

سبحان من جمع كل السماحه فيـك ..... لو كـان غير سوّى ظاهـرك جـوّاك

مـاشــي معـــــاك بنيّتــي نبيــــــك ..... و انـت علـى سـاس الغـــرر مبنـاك

و اخـذ الحـب بضحك و تسهويـك ..... مـا درت للخاطـر حسـاب معــــــاك

في وهـــم عيّشتـه حـرام عليــــك ..... خـش البحر عابـي على مرســـــــاك

مصـدوم خلّيتـه دهـــر يبكيــــــــك ..... و يشاكــي نجــوم الليــل بمهايــاك

و فــاق و رجـع للّـه مـا هـو ليـك ..... لقي الصبر خير من البكا و رجـاك

اعلـن توبتــه عـلاّ جـدار سميــــك ..... قفــل عالغــلا لا بــاب لا شبّــــــاك

فرحـان ما صدّق انجي و اخطيـك ..... بسـم خونتـك داوى سمــوم غــلاك

لاعـــد يجيبــه دمـــع لا تجدّيــــك ..... تعلّـم اقســي و انـــت استــاذه راك

بقـي من جرايـر لدغتــك هاذيــــك ..... يخاف مالرشـا يـا بـال مــن يــالاك

خطانــي و خلّي خاطـري ناسيــك ..... و وين مـا تبي يسـدد اللـه اخطـاك


قلبى عليك ابيض بياض سنونك ......وقلبك على اسود سواد عيونك

قلبى عليك حنين ....وقلبك على الحن موش امبين

ونعاتبك نلقى جوابك لين ....واتقول فيا مااتخيب ظنونك

نزعل عليك اديرلى فى لسين....نسامح ونضى ومانقدر انهونك

قلبى عليك ابيض بياض سنونك .....وقلبك على اسود سواد عيونك

مربى عليك كبيدة ....متمروجه راحة طروف تريده

وجيتى على شبح العيون بعيدة.....وماعاد جابلى خبر تلفونك

على الله كانك وادا بوديدة ....ايكون مكانك هوا الى فى كونك

إحميدة

ذكر
تاريخ التسجيل : 13/10/2011
تاريخ الميلاد : 20/12/1995
القوس
عدد المساهمات : 33
النقاط : 114
مزاجي : جميل
سمعتي : 34

الرجوع الى أعلى الصفحة اذهب الى الأسفل

رد: كيف بعتني و انا اللي شاريك

مُساهمة من طرف إحميدة في الجمعة أكتوبر 14, 2011 3:52 pm


أيام الغلا ياما معاى سمرت اللي اليوم صوبي ياعزيز نكرت

الله يسامحك
ياما معاى زهيت وياما بصوبى ياعزيز شقيت
وياما مراسيل الغلا دزيت وياما مراسيلى بهن بشرت
وياما فرحت بجيتي كي جيت وقمحك الصافى ع الحصير نشرت
بادلتنى بالصوب نين اغليت لهاليب نيرانك معاى كبرت
نلقاني في جرتك ظليت ودمى على شانك سبيل هدرت
وعارفينها طولة السلك غرورة وناطال سلكى ويبرتي ودرت
الله يسامحك فيما وراك جريت بعد في كلامك لولي قصرت

إحميدة

ذكر
تاريخ التسجيل : 13/10/2011
تاريخ الميلاد : 20/12/1995
القوس
عدد المساهمات : 33
النقاط : 114
مزاجي : جميل
سمعتي : 34

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى